
Vadzim Yukhnevich
Acordeonista e vocalista de orixe bielorrusa de ampla formación e experiencia profesional. Participou en numerosos proxectos musicais, teatrais e cinematográficos. Entre eles, foi un dos músicos da banda sonora do filme Crebinsky en 2009; autor e intérprete da música para o espectáculo “Esmorga” de Blanco Amor, montaxe da compañía teatral “Sarabela” en 2010; multinstrumentista da “Ópera dos tres reás” de K. Weill e A. Brecht producida polo “Centro Dramático Galego” en 2011. Desde 2012 integrante dos grupos “Il Combatimento”, “Vertixe Sonora”, "Compromiscuo" e “TDC”.
Durante a tempada 2014-15 foi músico da montaxe da Compañía Nacional de Teatro Clásico "Donde hay agravios no hay celos" de Francisco de Rojas Zorrilla, dirixida por Helena Pimenta.