Javier María López Rodríguez

Frautista, compositor, musicólogo e docente. Integrante de agrupacións relacionadas coa improvisación e o jazz como a orquestra de improvisación “O.M.E.GA” e o trío “TDC”. Alumno de composición de José Luís de Delás, as súas obras foron estreadas por diferentes formacións, entre outras, “Real Filharmonía de Galicia”, “Galicia XXI”, “Quinteto Pentafonía”, “Taller Atlántico Contemporáneo”, “Ensemble s21” “Grupo Instrumental Siglo XX”, ou instrumentistas como Javier Simó, Pablo Devigo, Eliseu Mera, Guido Arbonelli, Bruno Laurent ou Etiene Rolin. Ten feito música para diferentes obras escénicas. Así mesmo, algunhas foron seleccionadas para os II e III “Intenational Meeting" da asociación "Temp'ora".

Publicou a Breve Historia de la Música para a editorial “Now-tilus” e diferentes artigos sobre pedagoxía musical e musicoloxía en revistas como “Música y Educación”, “Relafare”, “Revista de la Lista Europea de Música en la Educación” ou “Anatomía de la Historia” entre outras. Impartiu cursos e concertos didácticos relacionados coa música contemporánea. En dúas ocasións, primeiro premio no certame de composición “Constantino Bellón”. Segundo premio de composición do concurso internacional convocado en Italia polo “Gruppo Europeo Ricerca Musicale Independiente”. Finalista da novena edición do concurso internacional de composición “Città di Udine” e do ”Counterpoint-Italy's” 2014. Profesor titular das especialidades de “Historia da Música” en Conservatorio e de “Música” en Ensino Secundario.